Egnatia i ka dhënë lamtumirën kompeticioneve ndërkombëtare për këtë sezon, teksa është mposhtur në sfidën e dytë në Shkodër nga Vikingur i Islandës.

Skuadra rrogozhinase vinte në ndeshjen në “Loro Boriçi” me avantazhin e fitores 1-0 në transfertë në sfidën e parë, por nuk ia doli ta ruante atë. Trysnia e miqve para portës së Dabjanit solli një autogol me devijim të dyfishtë në pjesën e parë. Ndërkohë në fillimin e të dytës, një dhuratë para portës u dha mundësinë miqve të dyfishonin shifrat dhe të merrnin kontrollin e kualifikimit.

Egnatia provoi deri në fund që të rihapte sfidën me një gol, por futbollistët e saj shpërdoruan disa raste të mira shënimi. Ndaj në fund, humbja 2-0 dekretoi eliminimin e ekipit rrogozhinas në turin e dytë të Ligës së Konferencës.

EGNATIA-VIKINGUR 0-2
28′ (ag) Dulis, 48′ Trandarson

NGJARJET KRYESORE

90’+7’ Mbyllet ndeshja me fitoren 2-0 të Vikingur dhe eliminimin e Egnatias.

90’+5’ Lubas ndëshkohet me karton të verdhë.

90’+3’ Zejnullai dhe Ndreca largohen për t’i bërë vend Ramës dhe Lubas.

90’ Jepen 6 minuta shtesë.

90’ Lushkja provon portën pas zhvillimit të një këndoreje, sfera devijohet jashtë.

88’ Gjata hyn në zonë nga e majta, mbrojtësit i heqin topin nga këmbët para se t’i drejtohej portës.

86’ Djuriç ndëshkohet me të verdhë për një simulim në sulm.

84’ Presing i lartë i islandezëve që nuk lejojnë Egnatian të krijojë aksione të rrezikshme për një gol që do rihapte kualifikimin.

78’ Ahmetaj i lë vendin në fushë Gjatës në radhët e Egnatias.

77’ Rrezkojnë edhe miqtë me një goditje dënimi nga e djathta e sulmit, Ekroth me kokë çon sferën mbi traversë.

75’ Pas një goditje dënimi të rrogozhinasve nga e majta e sulmit, topi largohet nga portieri i islandezëve, i cili fiton edhe faull. (VIDEO)

69’ Lushkja ndëshkohet me karton të verdhë pas një faulli në sulm.

69’ Ndreca tenton përsëri me një harkim nga e majta, Jonson kontrollon në shtyllën e dytë.

63’ Një harkim i Ndrecës nga e majta shkon te Xhoel në zonë, gjuajtja e sulmuesit ndalet nga portieri Jonson. (VIDEO)

58’ Trondarson dhe Sigurpalson dalin nga fusha e lojës për t’i bërë vend Gudjonson dhe Atlason.

57’ Xhoel del i vetëm në të djathtën dhe pason për Dulis. Ky i fundit nuk ia del të gjuajë dhe portieri kontrollon topin. (VIDEO)

56’ Fangaj niset mirë në të djathtën, harkimi i tij nuk devijohet siç duhet drejt portës

52’ Mundësia më e mirë e Egnatias shpërdorohet nga Zejnullai. Pas një pasimi nga e majta të Ndrecës, sfera shkon te mesfushori i cili i vetëm para portës fluturon sferën shumë lart mbi traversë. (VIDEO)

48’ Gol i shpejtë i miqve në startin e pjesës së dytë! Pas një goditje dënimi, Alijev prek sferën në zonë duke e kthyer në asist për Trandarson, i cili e shtyn në rrjetë. (VIDEO)

46’ Lëvizje e dyfishtë e Egantias në startin e pjesës së dytë me Lushkjen dhe Alijev që hyjnë në fushë në vend të Kasëss dhe Drame.

45’+4’ Mbyllet pjesa e parë e ndeshjes.

45’ Jepen 3 minuta shtesë.

45’ Sigurpalson është futbollisti i radhës i miqve që ka mundësinë të gjuajë në portë, por nuk gjen katërkëndorin. (VIDEO)

44’ Djuriç ka mundësinë e artë për të shënuar golin e dytë, por gabon i vetëm para katërkëndorit të Dabjanit duke çuar sferën jashtë. (VIDEO)

42’ Punijed del i dëmtuar nga fusha e lojës, Djuricc merr vendin e tij në radhët e Vikingur.

41’ Ingimundarson ndëshkohet me karton të verdhë pas një faulli në të majtën e sulmit.

40’ Mundohet të reagojë Egnatia me një goditje dënimi në zhvillimin e të cilës Fangaj gjuan me kokë, por çon topin në duart e portierit. (VIDEO)

35’ Andrason tenton nga distanca të gjejë golin e radhës, sfera kalon mbi traversën e Dabjanit. (VIDEO)

28’ Egnatia e pafat! Një gjuajtje e Pordarson devijohet fillimisht nga Malota e pastaj nga Dulis, për t’u ndalur pas krahëve të Dabjanit. (VIDEO)

23’ Sulm i shpejtë i Kasës në krahun e djathtë, gjuajtja e tij bllokohet nga mbrojtësit.

20’ Pordarson provon nga distanca, Dabjani pret në dy kohë. (VIDEO)

16’ Drame nga e majta merr fundoren, pasimi i tij devijohet në këndore.

15’ Një pasim i gabuar mbrapa nuk shfrytëzohet nga Xhoel, i cili ndalet nga mbrojtja kundërshtare teksa mund të nisej i vetëm drejt portës.

10’ Një top në thellësi për Drame në të majtën kthehet me vështirësi me kokë te portieri nga një mbrojtës i Vikingur.

9’ Miqtë kanë iniciativën në minutat e para, duke kërkuar të vendosin baraspeshën në bilancin e përgjithshëm të kualifikimit.

6’ Punied mundohet të gjejë golin me një gjuajtje ballore nga jashtë zonës, sfera kalon mbi traversë. (VIDEO)

1′ Nis ndeshja në Shkodër.

FORMACIONET ZYRTARE

EGNATIA: Dabjani, Fangaj, Malota, Dulis, Ndreca, Zejnullai, Aleksi, Ahmetaj, Kasa, Drame, Xhoel.
Trajner: Edlir Tetova

VIKINGUR: Jonson, Gunarson, Fjoluson, Ekroth, Vatnhamar, Andrason, Punied, Thrandarson, Thordarson, Ingimundarson, Sigurpalson.
Trajner: Arnar Gunlaugson

PANORAMASPORT.AL

NDIQE LIVE "PANORAMA TV"

---