Atletiko Madrid ka fituar derbin ndaj Realit duke siguruar një rezultat të rëndësishëm për moralin në një start sezoni që nuk ka qenë aq i mirë për ekipin e drejtuar nga Diego Simeone.

Sfida filloi me një gol të shpejtë të Morata i cili me kokë i dha avantazhn Altetikos ndaj ish-skuadrës, pasi shfrytëzoi një harkim perfekt në zonë. Reali u mundua të reagonte, por u godit nga një gol i dytë, këtë herë me anë të Grizman i cili gjithashtu mposhti Kepa me një gjuajtje me kokë.

Reagimi i “los blancos” erdhi me një goditje të bukur të Toni Kros nga jashtë zonës që theu Oblak dhe për disa minuta u duk sikur Reali po i afrohej barazimit.

Por në pjesën e dytë, Moratas iu deshën vetëm pak sekonda që të gjente përsëri golin dhe të çonte shifrat në 3-1, duke ia bërë më të vështirë rivalëve ndeshjen. Lëvizjet e Ançelotit rritën ritmin e ndeshjes për Realin, por ai nuk arriti të gjente golin që do të rihapte ndeshjen dhe kështu u desh të dorëzohej përballë një humbje në derbi.

Një humbje që i jep fund startit perfekt të kampionit, ku kishin regjistruar 5 fitore në 5 ndeshje, teksa tani janë në vendin e tretë në renditje, të kaluar nga Barcelona dhe Zhirona.

ATLETIKO MADRID 3-1 REAL MADRID

4′, 46′ Morata, 18′ Grizman/ 35′ Kros

NGJARJET KRYESORE

90’+6’ Mbyllet ndeshja me fitoren 3-1 të Atletikos.

84’ Aksion i shpejtë i Diaz nga e djathta, harkimi i tij në shtyllën e dytë gjen Hoselu por ky i fundit nuk ia del të gjuajë në portë.

79’ Brahim Diaz shpërthen në krahun e djathtë dhe tenton të gjejë rrjetën me një diagonale, Oblak devijon topin mbi traversë. (VIDEO)

69’ Provon edhe Rudiger nga distanca me të njëjtin përfundim si gjuajtja e mëparshme nga Çuameni. (VIDEO)

64’ Çuameni lëshon një predhë nga jashtë zonës, topi nuk gjen portën duke kaluar jashtë, jo shumë larg shtyllës së portës së Atletikos. (VIDEO)

62’ Aksion i shpejtë i madrilenëve që finalizohet me një gjuajtje të Rodrigo e cila devijohet jashtë. (VIDEO)

53’ Pas një goditje këndi të Grizman, Hermoso tenton portën, por sfera prek traversën dhe shkon jashtë.

46’ GOOOL ATLETIKO! Një harkim nga e majta e sulmit gjen Moratan i cili i vetëm gjuan me kokë nuk e ka të vështirë të shënojë. (VIDEO)

45’+4′ Mbyllet pjesa e parë e duelit!

45′ Akordohen 4 minuta shtesë.

45′ Modriç ndëshkohet me karton të verdhë për shkak të protestës.

44′ Kamavinga shënon golin e barazimit por arbitri e anulon për pozicion jashtë loje. (VIDEO)

40′ Modriç tenton të shënojë golin e barazimit, por gjuajtja e tij bllokohet nga mbrojtja vendase.

35′ GOOOL REAL MADRID 2-1! Toni Kros shkurton diferencën, gjuan nga jashtë zonës dhe shënon një gol të bukur. (VIDEO)

31′ Saul Nigez godet drejt mesit të portës, por Kepa bën një pritje të mirë dhe i mohon golin e tretë. (VIDEO)

30′ Kamavinga provon nga distanca me një goditje potente, por topi përfundon mbi traversë. (VIDEO)

22′ Modriç tenton të befasojë Oblak, por topi përfundon mbi traversë.

18′ GOOOL ATLETIKO MADRID 2-0! Saul Nigez i jep asist Grizmanit, ky i fundit e shfrytëzon rastin si duhet dhe mposht Kepën me një gjuajte me kokë. (VIDEO)

15′ Alaba gjuan me të majtën nga goditja e lirë, por topi bllokohet nga muri mbrojtës, ekzaktësisht nga Himenez.

10′ Koke godet me kokë topin i cili shërben si asist për Himenez, ky i fundit gjuan drejt portës por shkon pak larg shtyllës së djathtë. (VIDEO)

9′ Fran Garcia kroson në zonë, por topi largohet nga mbrojtja e Atletikos.

4′ GOOOL ATLETIKO MADRID 1-0! Samuel Lino harkon drejt Moratës, ky i fundit mposht lehtësisht portierin me një goditje me kokë në këndin e poshtëm të djathtë. (VIDEO)

1′ Starton sfida!

FORMACIONET ZYRTARE

ATLETIKO MADRID-REAL MADRID

PANORAMASPORT.AL

NDIQE LIVE "PANORAMA TV"

---