David Atanaskoski pret të shtunën, që t’u bashkohet lojtarëve me mbi 100 ndeshje te Partizani. Mbrojtësi nga Maqedonia e Veriut firmoste në vitin 2022 te “demat”, për të qenë pjesë e rëndësishme në skuadrën që fitoi titullin. Më pas kontribuoi edhe në edicionin 2023/24 ku ekipi humbi finalen për titullin kampion.

Pas disa muajsh shkëputje, u kthye te Partizani sërish këtë vit. Dhe tashmë duket se ka sërish besimin për vendin e titullarit. Nëse Atanaskoski luan të shtunën ndaj Egnatias, atëherë do e ketë ndeshjen e tij të 100-të zyrtare me fanellën e Partizanit.

Në kontingjentin aktual, vetëm Alban Hoxha numëron më shumë paraqitje. Gardiani dhe kapiteni i të kuqve numëron plot 359 ndeshje. Atanaskoski bie në sy si një mbrojtës, që te Partizani asnjëherë nuk e ka provuar golin e kuq. Dy gola dhe tre asistime ka regjistruar gjatë minutave që ka fituar. Lojtarë më të mëdhenj në moshë se Atanaskoski janë Hoxha, Viktor Da Silva dhe Vusal Isgandarli.

PANORAMASPORT.AL

---