Valon Behrami mendon se Juventusi aktual nuk ka lidhje me atë skuadrën e cila dominonte në dekadën e kaluar në futbollin italian. Ish-mesfushori ka shpjeguar në mediat italiane se si ka ndryshuar përceptimi për lojën e skuadrës bardhezi, të cilën ai në vitet e tij në fushë e ka ndeshur shumë herë si rivale.

“Sipas meje, ky është dimensioni i Juventusit, mund të humbasë dhe fitojë ndaj kujtdo. Nuk ka lojtarë si ata që kanë bërë historinë me Juventusin, për të fituar kampionatin. Me përjashtim të disave, të gjithë të tjerët duhet të tregojnë ende se janë lojtarë të denjë për Juventusin.

Çdo ndeshje e Juventusit ka shumë të panjohura brenda saj, sidomos nga pikëpamja mendore. Teknikisht, Juventusi ka lojtarë të rëndësishëm, por mendërisht është gjithçka krejtësisht ndryshe. Kur ndeshesh me Juventusin e vjetër, kishin një siguri në vetvete, edhe në ato 20 minuta në të cilat vuanin, të cilën ti si kundërshtar e perceptoje. E ndjeje energjinë e tyre”, tha Behrami pas humbjes 4-2 të bardhezinjve ndaj Sasuolos.

PANORAMASPORT.AL

NDIQE LIVE "PANORAMA TV"

---