Miqësorja me Vllazninë i shërbeu stafit të Burrelit për të parë në kushte loje disa nga lojtarët që janë në provë. Sipas sekretarit të klubit matjan, Marjan Lleshaj, merkato mbetet e hapur. “Po punojmë për afrimin e disa lojtarëve cilësorë.

Presim të mbyllim pjesën e sulmit dhe besoj që këtë javë do të plotësohemi në këtë repart”, tha Lleshaj.  Në vijim të komentit të tij, ai ndalet dhe te ndeshja e zhvilluar të shtunën e kaluar ndaj Vllaznisë, fituar nga kuqeblutë me rezultatin 1-0. “Ishte një ndeshje që ia vlejti. Pamë se çfarë është bërë mirë dhe ku duhet të vëmë dorë. Në këtë moment, ekipet janë në kulmin e përgatitjeve.

U paraqitëm mirë në këtë test dhe me afrimet e bëra skuadra do të jetë e gatshme për kampionatin”, përfundon Lleshaj. Te Burreli po testohen disa lojtarë dhe mes tyre është edhe mesfushori kosovar Valdrin Musolli. Do të jetë trajneri Bicaj dhe stafi teknik ata që do të vendosin në fund për lojtarët në provë.

NDERIM  GOCI- PANORAMASPORT.AL

NDIQE LIVE "PANORAMA TV"

---