Duke pasur parasysh organikën e lojtarëve që Egnatia ka aktualisht, tekniku Tetova pritet të luajë me modulin 4-3-3 ose 4-3-1-2. Nëse Lushkja do të preferohet si mesfushor i djathtë, në vend të Fernando Medeiros, atëherë rrogozhinasit do luajnë me rreshtimin 4-3-3.

Në mbrojtje do të aktivizohen Ndreca dhe Fangaj në krahë dhe Malota e Dylis në qendër. Në mesfushë të sigurt në formacion janë Aleksi dhe Zejnullai, atyre mund t’u bashkohet Ahmetaj, kurse Lushkja mund të bëjë rolin e fantazistit pas krahëve të Xhoel dhe Kasës.

SULMI – Egnatia ka pësuar shumë ndryshime krahasuar me ekipin që fitoi titullin dhe kupën sezonin e shkuar. I gjithë reparti i sulmit ka ndryshuar, pas largimit të Ibrahimoglu, Spahiut, Morinës, Gjatës dhe Montenegros. Ashtu si në janar, kur bardhëjeshilët humbën shërbimet e Isgandarlit dhe Paulauskas, ndërkohë që më parë ishte ndarë nga jeta goleadori Duamena, edhe tani po ndryshon i gjithë reparti ofensiv.

Pritet që Drame të gjejë formën që presin drejtuesit rrogozhinas, pasi ka dhënë sinjale pozitive në Europë. Drame do të jetë një alternativë në krahun e majtë, ashtu si dhe Xhoel. Në krahun tjetër do të luajë Redi Kasa, i cili kërkon të rikthehet ai i dikurshmi, ndërsa njeriu që pritet të udhëheqë sulmin do të jetë Bakajoko.

PANORAMASPORT.AL

NDIQE LIVE "PANORAMA TV"

---