Dinamo luan sot ndeshjen e tretë miqësore në tokën italiane, pas atyre me Atletik Proxhetos (13-1) dhe Rexhianën 1-0.

Kundërshtari i radhës është Virtus Kastelfranko, një skuadër e Serisë D. Ndeshja do të zhvillohet në stadiumin “Ferrarini” të Kastelfrankos, duke filluar nga ora 19:00, në temperatura më të përshtatshme.

Javën e ardhshme kryeqytetasit do të ndeshen me Livornon në një tjetër miqësore të konfirmuar tashmë. Një test i rëndësishëm ky, me një kundërshtar më të fortë, më pas blutë do të kthehen në Shqipëri. Këto ndeshje janë të nevojshme për skuadrën që është në konsolidim e sipër, kur ka mbetur edhe një javë nga qëndrimi në Itali.

Qëllimi i stafit teknik është që të shohë në aksion lojtarët që janë ende në provë te Dinamo. Po ashtu, rëndësi ka kristalizimi i formacionit, pasi kampionati po afron dhe blutë duhet të jenë gati për sfidën e javës së parë me Egnatian.

PANORAMASPORT.AL

NDIQE LIVE "PANORAMA TV"

---