FSHF ka pezulluar sot ndeshjen mes Kastriotit dhe Bylisit në Superiore, duke e shtyrë në një datë të pacaktuar, pasi ka marrë sinjalizime nga gjyqtarët të cilët nuk pranojnë të drejtojnë më ndeshje të krutanëve. Ata pretendojnë se janë kërcënuar para ndeshjeve të kësaj skuadre dhe janë “detyruar” të marrin vendime në favor të saj.

Në komunikatën e saj për anulimin e ndeshjes, FSHF pranoi se ishte manipuluar rezultati i sfidës mes Kastriotit dhe Laçit një javë më parë, pasi gjyqtarët ishin detyruar të anulonin një gol në favor të kurbinasve. Një ngjarje shumë e rëndë që mund të ketë pasoja sportive e jo vetëm. Palë e dëmtuar në këtë rast është Laçi, por sidomos ish-trajneri i kësaj skuadre, Gentian Mezani.

Pas ndeshjes në fjalë, që u mbyll me rezultatin teknik 2-1 për Kastriotin, klubi vendosi largimin e teknikut nga detyra, duke i besuar drejtimin Stavri Nicës. Kështu, një ndeshje e manipuluar, sipas vetë FSHF-së, solli shkarkimin e Mezanit i cili me një rezultat tjetër, mund të vazhdonte të ishte edhe sot në stolin e  kurbinasve.

PANORAMASPORT.AL

LEXO EDHE:

SKANDALI/ Kërcënohen arbitrat natën, FSHF anulon ndeshjen e Superiores

Kërcënimet me jetë të gjyqtarëve, çështja përfundon në polici

VIDEO/ Skandali me gjyqtarët në Superiore, FSHF pranon zyrtarisht trukimin e ndeshjes

FOTO/ Ndeshja e anuluar në Kamëz, ja momenti kur lojtarët e Bylisit braktisin stadiumin

FSHF anuloi ndeshjen për kërcënime me jetë të gjyqtarëve, ja kush do drejtonte takimin e sotëm

“Po na prishin imazhin”, Kastrioti reagon pas akuzave të arbitrave dhe FSHF për kërcënime: Të zbardhet kjo ngjarje e rëndë

NDIQE LIVE "PANORAMA TV"

---