Tullë pas tulle, Tiago Mota ka arritur që të ndërtojë një mur që po reziston prej 60 ditësh. Nga golat e pësuar në fazën përgatitore deri tek zero golat në 3 javët e para të kampionatit të Serisë A kundër Komos, Veronës dhe Romës.

Di Gregorio, i thirrur në apel si pasardhësi i Sheznit nuk është vënë në rrezik konkret. Shumë pak goditje dhe asnjë rrezik. Meritë edhe e punës së trajnerit bardhezi në një fazë mbrojtëse perfektë. “Vlahoviç është mbrojtësi ynë i parë sepse orienton presingun” janë fjalët e Tiago Motës. Pas shpërthimit të Juves është një punë e skuadrës, meritë e të gjithëve, por edhe dyshes së mbrojtjes Gati dhe Bremer. Nuk kanë pasur shumë punë dhe vështirësi sepse e gjithë skuadra ka ndryshuar, pra e gjithë mënyra e mbrojtjes. Tani ka më shumë vëmendje nga e gjithë skuadra.

Më mirë sesa kështu, “Zonja e Vjetër” nuk kishte bërë kurrë. Ishte sezoni 2014- 2015 kur bënte të njëjtën nisje të sezonit dhe në krye ishte Masimiliano Alegri, në vitin e tij të parë. Dhe në qendrën stërvitore janë duke u përgatitur të tjera risi dhe rrotacion për të ardhmen. Danilo është gati sepse ka luajtur vetëm 5 minuta kundër Veronës, ndërsa Kalulu 13 po ndaj Veronës. Ndërkohë që drejtori Xhuntoli ka ngritur antenat për të ardhmen, ku në shënjestër janë vënë Hanko, mbrojtës i Fejnordit dhe Sllovakisë së Kalconës.

DANILO- Ndërkohë që nga Brazili kanë ardhur “SMS” për trajnerin Mota. Danilo ka luajtur me kombëtaren e tij dhe kërkon të japë kontribut për skuadrën. Kapiteni nuk është bërë çështje dhe ka pranuar stolin në startin e sezonit, por sigurisht që do të kërkojë të jetë ai titullari në vazhdimësi.

PANORAMASPORT.AL

NDIQE LIVE "PANORAMA TV"

---