Dani Olmo është kthyer titullar në La Liga me Barcelonën dhe e ka bërë në mënyrë të përsosur.Në derbin e tij të parë të qytetit kundër Espanjolit ai ka spikatur, duke shënuar dy nga tri golat e  fitores së blaugranave 3-1. Ai ka folur për mediat në fund të takimit, duke vlerësuar paraqitjen e ekipit, teksa nuk ka harruar të përmend edhe tragjedinë e shkaktuar nga përmbytjet në Valencia.

“Ishte e rëndësishme të vazhdonim të fitonim. Espanjoli do të vinte me gjithçka, por ne zhvilluam një ndeshje shumë të mirë, veçanërisht në pjesën e parë. Ndihem mirë, doja të kthehesha. Ne jemi një ekip që shënojmë shumë gola, si golashënuesit ashtu edhe lojtarët e linjës së dytë. Avantazhi jonë është se ne luajmë një futboll direkt dhe kemi krijuar shumë raste. Megjithatë dua të ndalem pak dhe te ajo çfarë ndodhi në Valencia. Ndoshta nuk duhej të luhet, por nga këtu do të dërgojmë të gjithë inkurajimin dhe mbështetjen për njerëzit e prekur”, tha ai.

PANORAMASPORT.AL

NDIQE LIVE "PANORAMA TV"

---