Laçi-Elbasani ishte një ndeshje me mjaft episode të dyshimta, me një penallti të akorduar nëpërmjet sistemit VAR në favor të Elbasanit.

Por, kanë qenë të paktën edhe dy raste të tjera, ku verdheblutë kanë pretenduar 11-metërsh.

1′ Da Lima pengon Tsaguen në një dyluftim në zonë dhe kryesori vijon lojën. Një moment shumë i dyshimtë, pasi kontakti nuk mungon, ndonëse edhe VAR vazhdon lojën, duke lënë në fuqi vendimin e arbitrit në fushë. (VIDEO)

14′-17′ Kofi prek topin me dorë pas harkimit të Kasës. Fillimisht kryesori akordon goditje këndi, por pret konfirmimin e VAR dhe shkon ta shohë. Duket qartë prekja e topit me dorë dhe vendim i drejtë i kryesorit për akordimin e penalltisë. (VIDEO) + (VIDEO)

31′ Lleshi ndërhyn me takë ndaj Ze Gomesh pranë zonës së rreptësisë. Kryesori akordon të verdhën, por ishte në limitet e kartonit të kuq, sepse kishte një shkelje me takë ndaj kundërshtarit.

75′ Godet Lajthia, Lleshi largon topin, ku edhe pse i ka duart e mbledhura duket se e devijon paksa me duar. Arbitri vijon lojën, në një kohë që nuk ka ndërhyrje as nga sistemi VAR. Një moment shumë i dyshimtë për penallti. (VIDEO)

PANORAMASPORT.AL

NDIQE LIVE "PANORAMA TV"

---