Mesfushori Federiko Valverde ka shoqëruar trajnerin Karlo Ançeloti në konferencën për shtyp në prag të ndeshjes me Napolin, për ndeshjen e vlefshme në fazën e grupeve në Ligën e Kampioneve. 

“Është e rëndësishme të ruajmë këtë varg fitoresh, ne gjithmonë duam të luajmë dhe të fitojmë, veçanërisht në Champions. Jam përpjekur të fokusohem te Real Madrid, vitin e kaluar përfunduam në një nivel të lartë duke fituar Kupën e Mbretit. Jam rritur si një person, këto janë momente të papritura, por ne duhet të ecim përpara dhe të kemi besim në të ardhmen”.

Çfarë mendoni për momentin e Modriç?

“Ai është shembull për të gjithë, veçanërisht për të rinjtë si unë. Ai e jeton këtë moment si gjithmonë, nuk ofendohet dhe kjo do të thotë gjithçka për të. Ai është një luftëtar, gjithmonë konkurrues. Ai është historia e Real Madridit dhe të futbollit në përgjithësi. Le të përfitojmë nga përvoja e tij, ai është i rëndësishëm në dhomat e zhveshjes. Kros, Modriç dhe Isko ishin më të mirët kur erdha, mësova shumë prej tyre, ata bënë historinë e Real Madridit. I vëzhgova ata, u përpoqa të vjedh qëndrimet për t’u rritur. Kasemiro gjithashtu më ndihmoi.”

Belingam mbërriti me ADN-në e duhur tek Reali…

“Figurat botërore sigurisht lënë gjurmë dhe ai nuk bën përjashtim. Ai është shumë i ri, edhe pse duket se ka vite që luan për Real Madridin. Arriti në formë të shkëlqyer, duket shumë i pjekur dhe gjithashtu si person është pozitiv, ai mund të bëhet një kapiten i mirë”.

Tani në mesfushë jeni ju, Kros, Belingam, Çuameni. A është mesfusha më e mirë në botë?

“Më duket një pyetje pikante. Ata janë të gjithë futbollistë cilësorë, ndër më të mirët në botë dhe japin gjithçka çdo ditë. Ka konkurrencë të shëndetshme, të gjithë po shkojmë në të njëjtin drejtim për të fituar”.

Dëshironi të mbani shiritin e kapitenit?

“Natyrisht, është një ëndërr. Real Madridi është një ekip i dashur në të gjithë botën. Do të doja të mbaja shiritin në krah. E bëra me Uruguain dhe dua të njëjtën gjë me Realin”.

PANORAMASPORT.AL

NDIQE LIVE "PANORAMA TV"

---