Skënderbeu zhvilloi ditën e sotme një tjetër test miqësor, ku përballë kishte Besën e Mirel Josës, në sfidën që u mbyll me shifrat e barabarta 1-1. Ky ishte barazimi i dytë radhazi për korçarët, pas atij ndaj Tiranës, në duelin përfundoi me shifrat 2-2. 

Për sa i përket sfidës së sotme, Skënderbeu kaloi i pari në avantazh në minutën e 22-të, me anë të sulmuesit Bismark, që duket se është shndërruar në një bomber te korçarët, duke gjetur golin e dytë radhazi në harkun kohor të pak ditëve. 

GOLI I SULMUESIT TË SKËNDERBEUT BISMARK: VIDEO 

Kundërpërgjigja e kavajasve ishte e menjëhershme, teksa në minutën e 24-t, ish-kapiteni Frashëri, ndëshkoi ish-skuadrën me një gjuajtje fluturimthi nga e djathta duke dërguar topin në trekëndësh. Një gol mjaft i bukur i Frashërit i shënuar me fanellën e Besës. Në momentin e shënimit, korçari ka zgjedhur të mos festojë, duke ngritur duart lartë. 

GOLI I ERLIS FRASHËRIT: VIDEO 

Edhe pse ndeshja u zhvillua e luftuar deri në minutat e fundit, nuk prodhoi fitues.  

PANORAMASPORT.AL

NDIQE LIVE "PANORAMA TV"

---