Edhe pse Af Elbasani është i “blinduar” në të gjitha repartet, merkato nuk është ende e mbyllur. Burime të besueshme të “Panorama Sport” pranë klubit verdheblu, pohojnë se janë në tratativa me një sulmues.

Bëhet fjalë për një “pykë” dhe është i huaj dhe pritet që brenda pak ditësh të mbërrijë në Elbasan. Në fakt, deri më tani në takimet miqësore AF Elbasani ka prodhuar shumë volum loje dhe raste shënimi, por ka munguar lojtari që të shtyjë topin në rrjetë. Për këtë arsye, në klub nuk kanë ndërmend të kursehen për t’ia plotësuar të gjitha dëshirat teknikut Bordin.

Sa i përket reparteve të tjera, ato mund të cilësohen si të kompletuara dhe për më tepër të gjitha rolet janë të dubluara, duke garantuar për të qenë konkurrentë këtë edicion. Klubi ka vënë si objektiv “Final 4” ose marrjen e një trofeu, çka do t’i çonte edhe në Kupat e Europës, i cili është qëllimi kryesor këtë sezon të parë në elitë.

VLADIMIR MEMA-PANORAMASPORT.AL

NDIQE LIVE "PANORAMA TV"

---