Trajneri i Atalantës, Xhampiero Gasperini, ka zbuluar se Teun Kopmainers tashmë ka bërë të qartë se dëshiron të shkojë te Juventusi dhe për këtë arsye ka refuzuar që të dalë në stërvitje me bergamaskët.

Në një intervistë për “L’Eco di Bergamo”, trajneri ka zbuluar situatën e veçantë që është krijuar në klubin e tij, që do të marrë masa ndaj lojtarit.

“Situata me të shkoi shumë mirë deri në javën re kaluar, pastaj lojtari vendosi të shkonte te Juventusi. Ka që tani një akord me ta, ndjehet i stresuar dhe ka vendosur që të mos luajë dhe të mos stërvitet më me ne”, zbuloi ai.

“Me këtë sjellje nuk mund të jetë i vlefshëm as për skuadrën dhe as për shokët e ekipit. Klubi ka një vendim shumë të palëkundur, pasi e ndjen veten i shantazhuar në këtë situatë. Kjo është ndryshe nga herët e kaluar kur Atalanta i ka shitur ndonjë lojtar të mirë klubeve të mëdha”, tha Gasperini, dukshëm i pakënaqur me mënyrën se si po rrjedhin ngjarjet.

PANORAMASPORT.AL

NDIQE LIVE "PANORAMA TV"

---