Kristian Vieri sheh Interin si skuadrën me organikën më të plotë të kampionatit dhe ka besim që mund të jenë favoritët për titullin kampion. Në një intervistë për “Sportmediaset” ai analizon sulmuesit e kampionatit dhe situatën e Milanit dhe Juventusit.Çfarë ju pëlqen këtë vit nga sulmuesit në Serinë A?

Jam duke pritur të shoh Lukakun, sepse më kanë thënë që prej 2 javësh është stërvitur në Napoli. Nuk ka shkuar në kombëtare, kështu që Konte e ka shtrydhur këto 2 javë. Pres që të shënojë 1 gol për ndeshje.

Po Lautaro Martinez mund të konfirmohet ai i sezonit të kaluar?

Lautaro është një kampion. Ai dhe Turam janë dyshja më e fortë e kampionatit. Do të shënojnë një thes me gola sepse janë të zotët dhe argëtohen duke luajtur bashkë. Turam ka shënuar që tani 4 gola, kështu që ata nuk do të kenë probleme për të shënuar gola.

Si e shihni kampionatin?

Juventusi është forcuar, Napoli po ashtu ka bërë një skuadër të mirë. Milani është aty edhe pse nuk e ka nisur mirë. Por mendoj që Interi ka organikën më të plotë dhe më të fortë të kampionatit.

Përtej merkatos të mirë që ka bërë Juventusi, e prisnit që Tiago Mota të bënte një nisje të tillë të kampionatit?

E prisja sepse me Bolonjën në pak muaj arriti ta shpëtonte. Në vitin e dytë ruajti të njëjtin stil dhe e kualifikoi në Champions. Në një vit e gjysmë e shpëtoi dhe e çoi në Champions. Kjo do të thotë që ka meritë. Juventusi e mori, por i duhet kohë. Ai do të luajë mirë dhe të komandojë lojën, por për ta bërë këtë ka nevojë për pak kohë dhe durim. Asgjë nuk bëhet për 2 muaj. Por është një trajner i zoti.

Cila ju intrigon më shumë nga skuadrat e mesit të tabelës?

Fiorentina ndoshta. Ka bërë 3 finale në vitet e fundit, 2 në Konferencë Ligë dhe një në Kupën e Italisë. Nuk ka fituar, por me 3 finale është diçka e bukur. Pres një Fiorentinë interesante, por edhe Monzën. Galiani ka vite në futboll dhe sigurisht që do të kërkojë të bëjë diçka të madhe.

PANORAMASPORT.AL

NDIQE LIVE "PANORAMA TV"

---