Pas një sezoni të shkuar spektakolar, talenti shqiptar, Kristian Shpendi, e ka nisur në mënyrën më të mirë të mundshme këtë edicion të ri, duke konfirmuar edhe njëherë formën fantastike që po kalon. 

21-vjeçari gjeti rrugën e rrjetës mbrëmjen e sotme në duelin ndaj Padovës, i vlefshëm për raundin e 1/64-ve të Kupës së Italisë. Sulmuesi shënoi golin e dytë të sfidës në minutën e 38-të. 

Kujtojmë që shqiptari në edicionin e kaluar, u shndërrua në një yll te Çezena, ku arriti të shënonte plot 20 gola në Serinë C, duke dhënë kështu një kontribut të çmuar për ngjitjen e bardhezinjve në Serinë B. Duket se edhe këtë edicion të ri, bomberi shqiptar nuk ka ndërmend të ndalet me golat e tij.  

PANORAMASPORT.AL

NDIQE LIVE "PANORAMA TV"

---