Faza përgatitore e Barcelonës ishte një enigmë për të gjithë tifozët e këtij klubi. Largimi i Ksavit dhe ardhja e Flikut nënkuptonte fillimin nga e para.

Sikur të mos mjaftonte e panjohura për afrimet, gjermani nuk mund të llogariste në një pjesë të konsiderueshme të skuadrës për shkak të angazhimeve me ekipet kombëtare në “Euro 2024” dhe “Copa América”, përveç Lojërave Olimpike. Prandaj, mungojnë ende shumë detaje se si do të luajë Barça në prag të fillimit të Ligës kundër Valencias më 17 gusht.

Me gjithë këtë, variacionet e reja taktike janë përshtatur me lojtarët në dispozicion, por ka një që është ruajtur në tre ndeshjet kundër Sitit, Realit dhe Milanit, duke luajtur me anësorë në krahun natyral. Pau Viktor në të djathtë, në dy raste, Rafinja dhe Julian Arauho në të majtë zunë pozicionet në ndeshjet e para në skemën 4-2-3-1 të aplikuar nga tekniku.

Ndryshe nga skemat e Ksavit, në të cilat anësorët filluan shumë gjerësisht në kërkim të një kundër një, me Flik, anësorët depërtojnë më shumë nga brenda, duke lënë më shumë hapësirë për mbrojtësit e krahut. Flik ka aktualisht Ferran Torres, Lamine Jamal, Rafinja dhe Ansu Fati në listë si anësorë të pastër.

Përveç Pau Viktor, Pedri, Fermin Lopez, Gavi, Vitor Roke dhe Pablo Torre të cilët nuk janë anësorë të mirëfilltë, por mund të nisin nga një pozicion më i hapur. Ashtu si dhe Dani Olmo i ardhur së fundmi. Duke pritur fillimin e La Ligës zyrtare, pyetja që shtrohet është se çfarë do të zgjedhë Flik në krahë.

PANORAMASPORT.AL

NDIQE LIVE "PANORAMA TV"

---