Skuadra juglindore e Maliqit, nisi pasditen e sotme përgatitjet për sezonin e ri futbollistik. Nën drejtimin e administratorit, Erion Beqiri, drejtorit sportiv, Ervis Avdolli dhe trajnerit Egli Malësija, maliqarët zbritën në fushë për t’ia nisur nga puna. 

Në seancën e sotme stërvitore, ishin të pranishëm 7 lojtarë nga ata që e mbyllën sezonin me Maliqin, ndërkohë që nuk mungonin as afrimet e reja, kryesisht lojtarë që edicionin e kaluar ishin pjesë e Devollit.  

Bardhekuqve iu bashkuan edhe 4 futbollistë të huaj, të cilët janë në periudhë prove. Ajo që ra më së shumti në sy ishte rikthimi i ish-kapitenit Arlind Xaka, i cili edicionin e kaluar ishte pjesë e Maliqit, por për shkak të disa problematikave me drejtuesit, e ndërpreu bashkëpunimit, teksa tashmë është rikthyer sërish për të dhënë kontributin e tij me maliqarët.  

Në ditët në vijim pritet që të tjerë lojtarë të bashkohen me skuadrën e Maliqit për të kompletuar organikën. Juglindorët këtë sezon do të kenë pjesë të stafit edhe një përgatitës atletik nga qyteti i Pogradecit.  

Kategoria e Dytë këtë sezon do të startojë më datë 21 shtator dhe do të përfundoj më 6 prill 2025. Ndarja e ekipeve në dy grupe dhe hedhja e shortit do të bëhet në ditët në vijim nga FSHF në ambientet e ‘Shtëpisë së Futbollit’.

LOJTARËT QË E MBYLLËN SEZONIN E KALUAR ME MALIQIN: 

Shkëlzen Tako 

Devis Lipollari 

Kristjan Ymet 

Florian Pero 

Martin Ferhati 

Klesti Blaceri 

Flavio Demollari 

AFRIMET E REJA NË SKUADËR:  

Rudens Muçollari 

Dario Kame 

Mario Bregu 

Albi Bega 

Arlind Xaka  

Lion Ndoci 

Orgito Elmas

PANORAMASPORT.AL

NDIQE LIVE "PANORAMA TV"

---