Zlatan Ibrahimoviç, si të gjithë milanistët, nuk është shumë i qetë. As pas fitores së katërt radhazi në Ligën e Kampioneve. Drejtuesi kuqezi ka bërë një analizë të momentit ekipor dhe deklaratat po ua servirim në vijim.

Si e gjykoni momentin e ekipit?

Pas ndeshjes së fundit në kampionat ishim të zhgënjyer. Asnjë nga djemtë nuk ishte i lumtur. Gjatë javës që ata punonin, kishte një frymë të mirë që rritej dita ditës javës. Kanë punuar mirë dhe më duken në formë.

Sa mundësi ka Milani në kalimin direkt në fazën e 1/8- ave?

Idealja është t’i fitojmë të dyja ndeshjet e mbetura në mënyrë që të hyni menjëherë në tetë më të mirat dhe të kalojmë në fazën e 1/8-ave, duke anashkaluar “play off”-in. Kemi edhe një ndeshje për të luajtur në shkurt kundër Bolonjës, është më mirë të kemi më pak ndeshje në mënyrë që lojtarët të lodhen më pak, kështu që idealja është të fitojmë të gjitha ndeshjet. Në letër duket e lehtë, por nuk është. Çdo ndeshje është e vështirë dhe lojtarët duhet t’i qasen çdo ndeshjeje si një finale.

Si i gjykoni fjalët e Fonsekës pas Atalantës?

Nëse flasim për arbitrat, ata kanë një ndikim të madh në ndeshje. Nga ana jonë duam t’i ndihmojmë dhe i respektojmë. Trajneri ishte i emocionuar, jo i lumtur. Ai lëshoi pak vrer, por në fund klubi ynë i respekton arbitrat, jo vetëm 4 që ishin në fushë, por të gjithë.

Çfarë ju pëlqen nga ky Milan?

Më pëlqen që ekipi është më i fortë se vitin e kaluar, ka më shumë cilësi dhe nuk jemi të varur nga lojtarë të caktuar. Ajo që mungon është ekuilibri, vazhdimësia e fitoreve të ndeshjeve dhe fitimi i besimit për të vazhduar.

A dëshironi ndonjëherë të dilni në fushë dhe të ndihmoni ekipin?

Duhet të jem i sinqertë: ndihem i pafuqishëm për të ndihmuar ekipin në fushë sepse me mua në fushë ishte diçka tjetër. Pastaj jashtë secili ka karakterin e vet. Ne përpiqemi të shtyjmë dhe të japim më të mirën, e rëndësishme është që ata të mos largohen nga zona e tyre e rehatisë. Qëndrimi që duhet të kenë është i rëndësishëm, kemi besim dhe besojmë në atë që bëjmë.

Këtij Milani i mungon më shumë një si Ibra apo si Tiago Silva (krahë Ibrahimoviçit gjatë intervistës)?

Duhet shumë, kur luaja me të më dukej sikur ishte një Ibrahimoviç në mbrojtje. Ai është një lojtar i madh, ka pasur një karrierë të shkëlqyer dhe është ende duke luajtur. Unë e këshillova që të vazhdojë derisa të jetë mirë. Jam i lumtur që kam luajtur me të, edhe pse më ka larguar nga Milani herën e parë sepse oferta erdhi për të dhe pastaj më përfshiu edhe mua (qesh).

PANORAMASPORT.AL

NDIQE LIVE "PANORAMA TV"

---