Antonio Kasano nuk kursehet kurrë ndaj trajnerëve me kritikat e tij, por këtë radhë ka vendosur të bëjë prapakthehu. Duke folur në “Bobo TV”, ish-sulmuesi italian ka pranuar se ishte gabuar për Simone Inzagin dhe drejtimin e tij te Interi.

“Këtë vit fakti i pakundërshtueshëm është se jam gabuar mbi Inzagin. Interi e ka rifilluar edhe më mirë se sa ka mbyllur vitin e kaluar. Ka vendosur në mozaik një portier të fortë, kur mungonte Açerbi ishte De Vraj, Inzagi i jep ende besim Darmianit.

Ju duhet dhënë të drejtë, i duhet dhënë meritë Inzagit dhe klubit që rinovoi me të. Por për Interin është dështim nëse mbërrin në vend të dytë, duhet të fitojë titullin.

Ndodhi tersi me Arnautoviç, por nuk mendoj se do të ketë shumë probleme. Kur Inzagi bëri mirë dy vite më parë, thashë ‘kujdes se është një mbetje e Kontes’. Por këtë vit po u jep vazhdimësinë dy muajve të fundit të sezonit të kaluar. Nëse vazhdon të bëjë atë që duhet të bëjë Interi, atëherë do të ketë bërë mirë”, tha Kasano duke kërkuar falje për kritikat ndaj trajnerit të zikaltërve.

PANORAMASPORT.AL

NDIQE LIVE "PANORAMA TV"

---