Skënder Gega i ka dhënë lamtumirën Partizanit, pasi ka dhënë dorëheqjen nga drejtimi i skuadrës kryeqytetase dy ditë më parë. Për trajnerin ishte e pamundur të vazhdonte të drejtonte të kuqtë në kushtet aktuale ndaj vendosi të bënte një hap mbrapa.

Ai ka qëndruar në heshtje të plotë në këto dy ditë, duke preferuar që të mos lëshojë deklarata, në respekt të klubit dhe lidhjes së ngushtë që ka me të, pavarësisht situatave të krijuara te të kuqtë.

Por ndërkohë, dy ditë pas asaj lamtumirë, Gega ka bërë një postim në rrjetet sociale që e sheh atë përsëri të shkujdesur, larg “stresit” të punës me Partizanin, teksa po shijon më në fund pak ditë pushimi në plazh.

PANORAMASPORT.AL

---