Me fillimin e përgatitjeve për sezonin e ri është vënë re se Dinamo ka përdorur uniforma të reja për stërvitje dhe me siguri edhe për ndeshjet zyrtare.

Kryeqytetasit janë veshur me “Kappa”, një nga kompanitë më të njohura të veshjeve sportive, që duket se do të jetë edhe sponsori teknik i 18 herë kampionëve të Shqipërisë, pasi palët kanë arritur një marrëveshje. Blutë kanë kaluar kështu nga “Macron” te “Kappa” dhe shpresohet që kjo kompani e re t’u sjellë pak më shumë fat edhe në fushë gjatë sezonit të ardhshëm. Dinamo synon që të kthehet në kupat e Europës pas një kohe të gjatë mungesë. Uniformat e reja kanë tërhequr edhe vëmendjen e tifozëve blu.

Gasama Karamba, i cili do të nisë sezonin e tretë me Dinamon, pritet që të bëjë hapin cilësor për të qenë i rëndësishëm për këtë skuadër. Në ndeshjen e fundit miqësore me Rexhianën ai luajti nga minuta e parë, çka tregon se ka besimin e stafit teknik.

Mesfushori 19-vjeçar është vlerësuar që në fillim për talentin, por deri tani ka luajtur sa me Dinamon U19, ashtu edhe pak minuta me ekipin e parë. Për lojtarin nga Gambia duket se ka ardhur momenti që të marrë më shumë përgjegjësi.

PANORAMASPORT.AL

NDIQE LIVE "PANORAMA TV"

---