Pas 14 javësh kampionat, Dinamo ka grumbulluar 4 pikë më shumë se Teuta dhe cilido që të jetë rezultati i ndeshjes së nesërme, kryeqytetasit do të mbeten para durrsakëve.

Trajneri Ilir Daja ka vazhduar përgatitjet për këtë ndeshje me mungesat që tashmë janë të njohura në kampin dinamovit, Bregu, Hoxha, Muzek dhe ndoshta edhe Naser Aliji sërish. Në sfidën e fazës së parë mes këtyre dy skuadrave, të luajtur në stadiumin “Niko Dovana”, gjithçka do të mbyllej në barazim 1-1.

Për Dinamon realizoi Baton Zabërgja golin e avantazhit në fundin e pjesës së parë, ndërsa në të dytën barazoi Teuta me anë të Torrajt. Nga ajo ndeshje më shumë ndryshime kanë pësuar blutë, të cilët nuk do të kenë në formacion këtë herë Muzek dhe Hoxhën të dëmtuar, apo edhe Karambën, që javët e fundit e ka nisur nga stoli. Teuta është thuajse e njëjta, me përjashtim të mbrojtësi Jazxhi, i cili është i skualifikuar.

PANORAMASPORT.AL

NDIQE LIVE "PANORAMA TV"

---