Presidenti i Dinamos, Adrian Bardhi, ka ndjekur nga afër ndeshjen miqësore me Rexhianën që u luajt ditën e shtunë.Ai ka udhëtuar drejt Italisë javën e kaluar dhe pas komplimenteve të momentit pastaj fitores, një ditë më pas e ka vizituar skuadrën në Karpineti, ku kryeqytetasit po zhvillojnë fazën përgatitore prej një jave.

Numri 1 i klubit dinamovit i ka shprehur mbështetje maksimale skuadrës, ndërsa për “Panorama Sport” shkurt ai ka thënë: “Të them të drejtën, jam i kënaqur nga skuadra, jo vetëm se ka fituar. Dua të veçoj grintën që tregoi Dinamo në fushë në këtë ndeshje, që ishte si një ndeshje zyrtare, sepse pati shumë tifozë. Mendoj se jemi në rrugën e duhur, por ka ende kohë. Jemi duke punuar ende për lëvizjet e fundit të merkatos”.

Presidenti Bardhi pritet të befasojë me një ose dy goditje të rëndësishme për fuqizimin e bluve.

PANORAMASPORT.AL

NDIQE LIVE "PANORAMA TV"

---