Afrime cilësore në merkato, Iliria prezanton ish-futbollistin e Dinamos
Iliria po nis udhën drejt Kategorisë së Parë, që është dhe objektivi madhor për sezonin 2024-2025. Pasi ka arritur marrëveshjen me trajnerin Bledar Devolli, që ka besimin e plotë të presidencës, ka nisur të plotësohet edhe grupi i lojtarëve që do të përbëjnë skuadrën.
Gjatë sezonit të kaluar, stafi drejtues ka mundur të ruajë nga grupi i futbollistëve të sezonit të kaluar, vetëm 5 lojtarë. Prurja më e fundit e skuadrës është futbollisti që vjen nga Trepça ‘89, Xhoel Plaku. Këtë e bën me dije vetë klubi. Futbollisti gjithashtu ka qenë edhe pjesë e Dinamos, Vorës, Elbasanit dhe Korabit.
“Klubi i Futbollit ‘Iliria’ bën me dije se është arritur marrëveshja me lojtarin Xhoel Plaku. Pozicioni i tij është mbrojtës i krahut të majtë dhe sezonin e fundit ishte pjesë e Trepça ‘89. Krahas forcimit të skuadrës tek Iliria po punohet edhe në drejtim të infrastrukturës”.
ABDULLA DUSHKU- PANORAMASPORT.AL
NDIQE LIVE "PANORAMA TV"
