TIRANË- Kuvendi i ka dhënë sot kohë Komisionit Hetimor, ngritur për hetimin e punës së ish nënkryetarit të Këshillit të Lartë të Drejtësisë.
Pas kërkesës së bërë nga vetë komisioni, i cili kërkonte kohë për shqyrtimin e materialeve të marra nga KLD, Kuvendi i është përgjigjur pozitivisht me votat e maxhorancës.
Në senacën e sotme, shtyrja me dy javë e afatit është bërë me 72 vota pro dhe 60 kundër. Kreu i Komisionit Hetimor, Enkelejd Alibeaj ka deklaruar se komisioni do e vijojë veprimtarinë e tij pavarësisht dorëheqjes së Spahiut.
Madje ai është ‘përplasur’ me kreun e shtetit, njëherësh kreun e KLD-së, Bamir Topi, për mospranimin e dorëheqjes së Spahiut dhe shkarkimin e tij nga Kuvendi, gjë që nuk ka gjetur miratim në mbledhjen e fundit të KLD.
© Panorama.al
