Lojtarët spanjollë kthehen në modë, teksa në Korçë presin edhe një sulmues. Pas ardhjes së mbrojtësit Eloy Robles, drejtuesit e Skënderbeut janë futur në bisedime edhe me sulmuesin Raiko Garsia, i cili ka mbyllur sezonin me Rajo Valekanon në Divisionin e Dytë. Lojtari është aktualisht i lirë dhe negociatat me të janë në fazën e fundit. Dje në mbrëmje, menaxheri i FIFA-s, Elton Marini, njeriu që po ndërmjetëson për transferimin e sulmuesit te Skënderbeu, ka arritur një akord paraprak me spanjollin për sa i përket shifrave. Megjithatë, fjalën e fundit do ta thotë presidenti Agim Zeqo, pasi mësohet se lojtari nuk pranon të firmosë pa marrë 7 mijë euro në muaj. Gjithsesi, edhe në rast se Garsia refuzon, klubi korçar ka një plan “B”, pikërisht me një tjetër spanjoll. Sipas burimeve pranë presidentit Zeqo, bëhet fjalë për sulmuesin Rudi Torres, që është aktivizuar me ekipin e dytë të Getafes. Të dy lojtarët janë vëzhguar nëpërmjet videokasetave nga trajneri Shpëtim Duro. Ky i fundit ka dhënë “ok”-in dhe tashmë drejtuesit e klubit pritet të konkretizojnë marrëveshjen. Sigurisht, mes Garsias dhe Torres vetëm njëri mund të firmosë për Skënderbeun.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama