Këshilli i Sigurimit të Kombeve të Bashkuara do të mbajë sot takim me dyer të mbyllura, për të diskutuar për gjendjen në Kosovë.
Takimi mbahet me kërkesë të Serbisë, ndërsa diplomatët thanë se bisedimet do të mbahen me dyer të mbyllura dhe nuk do të jenë një sesion i hapur, çfarë ishte kërkesë e Beogradit.
Shtetet e Bashkuara dhe Britania kanë thënë se kjo çështje mund të presë derisa të mbahet takimi i rregullt për Kosovën, në muajin e ardhshëm, por megjithatë Këshilli ka arritur kompromis dhe ka rënë dakord që takimi të mbahet sot.
© Panorama.al
