Në Komisionin Hetimor për Koncesionet e Sterilizimit dhe Check Up, vijojnë prej orësh diskutimet mes palëve lidhur me kërkesën e ish-ministrit Ilir Beqaj për të dhënë dëshminë e tij shoqëruar me material audioviziv.
Kryetarja e Komisionit, Albana Vokshi në diskutim e sipër me nënkryetarin Plarent Ndreca, i ka kujtuar këtij të fundit mes rreshash se është marrë i pandehur nga SPAK.
“Të jesh i sigurt, se siç ka lëshuar të tjerët do të të lëshojë dhe ty”, i tha Vokshi, Ndercës. Deputeti socialist iu përgjigj duke i thënë se nuk intimidohet.
Debati:
Ndreca: Pse bën zhurmuesin gjithë kohës
Vokshi: Ke fol 20 herë
Ndreca: Prit se kam mbaruar unë. Nëse s’më dëgjon dil jashtë. Përsa kohë kemi një kërkesë, duhet të marrim një vendim. Është thjesht zvarritje dhe nuk e di ku doni ta cojmë.
Vokshi: Ti ku do ta çosh. Duam dëshminë e kontekstualizuar dhe jor prezantimet që vetë Beqaj tha se do ti përgjigjem publikut. Këtu është për tiu përgjigjur pyetjeve tona.
Ndreca: Ta them cfarë dua unë individualisht, pastaj flasim.
Vokshi: Ti e di se çfarë do
Ndreca: Mos ndërhy pra.
Vokshi: Ti smund të flasësh 24 orë.
Ndreca: Sa flas unë, nuk ma jep ti këtë të drejtë të ma përcaktosh, ma ka dhënë tjetër kush
Vokshi: S’e di për sa kohë…
Ndreca: S’ka rëndësi. Aq sa minuta sa është
Vokshi: Se të jesh i sigurt, se siç ka lëshuar të tjerët do të të lëshojë dhe ty
Ndreca: Nuk impresionohem nga këto intimidime politike. Boll me këto bolshevizma se e ke bërë baltë.
Kujtojmë se Ndreca akuzohet për abuzim me një tender për rikonstruksionin e 4 komisariateve gjatë kohës që mbante pozicionin e sekretarit të Përgjithshëm të Ministrisë së Brendshme.
Kallëzimi në SPAK u bë nga Kontrolli i Lartë i Shtetit, i cili dyshon se zyrtarët kanë lejuar mospërputhje dhe devijime ligjore në garën për ndërhyrje në Komisariatet e Vlorës, Mirditës, Pogradecit dhe atij nr. 4 në Tiranë.
Sipas KLSH-së, gjatë kontrollit u gjetën mospërputhje dhe devijime ligjore, si pasojë e shkeljeve të dispozitave ligjore në procedurat e prokurimit publik, të cilat kanë cenuar barazinë e pjesëmarrësve në tenderë.
NDIQE LIVE "PANORAMA TV" © Panorama.al
