Për shkak të interesimit për ndeshjen midis Shkëndijës nga Tetova dhe Partizanit të Beogradit që do të zhvillohet sonte, në orën 20.45, në arenën kombëtare “Filipi i Dytë” në Shkup, ministria e Punëve të Brendshme maqedonase ka ndërmarrë më shumë masa sigurie.
Është përgatitur plan i veçantë për sigurimin fizik dhe të atë të komunikacionit, ndërsa masat dhe aktivitetet do të zhvillohen në tri faza – para fillimit, gjatë ndeshjes dhe pas përfundimit të ndeshjes.
Siç njofton MPB, është formuar shtabi operativ i cili do të jetë i angazhuar për ndjekjen dhe koordinimin e masave dhe aktiviteteve të të gjitha shërbimeve përmes qendrës për monitorim.
Pas arritjes së ekipit të “Partizanit” dhe një pjese të përfaqësuesve të mediave serbe në aeroportin e Shkupit, dje ata në hotelet ku qëndrojnë janë shoqëruar nga policët.
Sot do të ketë edhe regjim të posaçëm të komunikimit në rrugët në afërsi të Parkut të Qytetit.(INA)
© Panorama.al
