Deputeti i Partisë Demokratike, Xhelal Mziu, ka publikuar në Facebook një postim, përmes të cilit akuzon socialistët për blerje të votave, vetëm një ditë para zgjedhjeve të 11 Majit.
Mziu ka publikuar gjithashtu disa video ku shihen një grup personash teksa konfliktohen me njëri-tjetrin.
Sipas demokratit socialistët kanë dalë sot në terren në fshatin Radovesh në Gollobordë Dibër, ku shpërndajnë para në këmbim të votave.
Mziu shkruan se Ndriçim Sula, punonjës i Policisë Bashkiake në Bulqizë, ka shpërndarë para në këmbim të votës në fshatin Radovesh në Gollobordë Dibër.
Gjithahstu demokrati pretendon se dy qytetarë që po i ndiqnin, janë dhunuar nga punonjësi i policisë bashkiake dhe mbështetës të rilindjes.
Postimi i plotë
Rilindja në terren me administratën dhe grupet kriminale duke shpernda para në këmbim të votës!
#Ndricim_Sula, punonjës i Policisë Bashkiake në Bulqizë, duke shpërndarë para në këmbim të votës në fshatin Radovesh në Gollobordë Dibër!
Janë dhunuar dy qytetarë që po i ndiqnin, nga punonjësi i policisë bashkiake dhe mbështetës të rilindjes së krimit.
Kjo është skenë krimi.
Ky është krim elektoral.
Ky është krim zgjedhor.
Kjo është skemë e organizuar me regji e krimit zgjedhor në qarkun Dibër!
Policia e shtetit, sistemi i drejtësisë, #SPAK duhet të reagojnë, nuk mundet që bandat e krimit të përcaktojnë votën e qytetarëve.
Qytetarët më 11 maj do të votojnë të lrë dhe me zemër, i ftoj për pjesmarrje masive.
© Panorama.al
