TIRANE- “Krimi sot nuk i trembet ligjit, as gjykatave. Kultura e pandëshkueshmërisë është një stimul, sepse tashmë e dinë të gjithë se drejtësia blihet.” Kështu u shpreh kreu i Partisë Socialiste,Edi Rama gjatë një interviste në News 24 me gazetarin Ilir Babaramo.
Rama tha se, rivendosja e rendit publik është një prioritet gjithmonë e më i rëndësishëm në programin për një “Rilindje Shqiptare”, pasi sipas tij, krimi po e mbyt Shqipërinë.
“Krimi sundon rrugëve dhe dikton axhendën e lajmeve të përditshme, me vrasje, grabitje me armë në dorë.”- tha Rama ndërsa komentete ngjarjet e fundit kriminale te ndodhura ne vend.
Kreysocialisti shtoi më tej se opozita në tryezën e saj për rendin publik ditën e premte, do të paraqesë shifra reale për kriminalitetin në vend.
Ai tha se shifrat që paraqet qeveria, janë shifra të fabrikuara.
© Panorama.al
