Mesfushori kosovar Granit Xhaka do të vazhdojë të luajë për përfaqësuesen e Zvicrës.
Xhakës, 23-vjeçar, kalimin në përfaqësuesen e Kosovës ia ka mohuar shtëpia botërore e futbollit, FIFA.
Kështu të paktën ka thënë të dielën për gazetën babai i Granitit, Ragipi.
Ai ka bërë të ditur se edhe Taulanti, vëllai i madh i Granitit, do të vazhdojë të luajë për Shqipërinë, shkruan sot Koha Ditore.
Ragip Xhaka më shumë flet për Granitin, për të cilin thotë se ka qenë edhe interesi më i madh i Federatës së Futbollit të Kosovës.
Ragip Xhaka ka treguar se ka pasur biseda të rregullta me kryetarin e FFK-së, Fadil Vokrri, nënkryetarin Bekim Haxhiu dhe selektorin Albert Bunjaki për çështjen e Granitit.
Por, ai thotë se ndërrimi i përfaqësueseve ka qenë i pamundur, meqë një gjë të tillë nuk e lejon FIFA.
NDIQE LIVE "PANORAMA TV" © Panorama.al
