Klubet arabe janë gati të bëjnë çmendur për brazilianin Rafinja të Barcelonës. Futbollisti shihet si një nga elementët e rëndësishëm të skuadrës së Flik, por oferta që i ka mbërritur atij dhe klubit kohët e funti mund të ndryshojë gjithçka.
Mediat spanjolle bëjnë të ditur se Al Nasr dhe Al Hilal janë të gatshme të afrojnë futbollistin gjatë merkatos së verës me shifra që do të ishin shumë të leverdishme për të gjithë palët.
Barcelonës i janë ofruar 80 milionë euro për kartonin e lojtarit, që do të ndihmonin katalanasit të zgjidhnin shumë nga telashet financiare me të cilat përballen. Ndërkohë, futbollistit raportohet se i është ofruar katërfishi i rrogës neto që përfiton aktualisht në Spanjë, një mundësi ekonomike që është e vështirë të refuzohet nga ai.
Kësisoj, me futbollistin i cili ka shfaqur shpesh pakënaqësi dhe dyshime rreth të ardhmes, nuk është aspak çudi që palët të ndajnë rrugët në javët në vijim.
PANORAMASPORT.AL
© Panorama.al
