Shoqata e eksportuesve kanë kërkuar nga qeveria shqiptare dialog dhe subvencionim pas pasojave të rënda që përjetuan kompanitë prodhuese për eksport nga mbiçmimi i lartë i monedhës kombëtare.
Në një deklaratë për mediat, ata u shprehën se qeveria duhet të bëjë transparencë në mënyrë që ata të kuptojnë se çfarë po ndodh me tregun e këmbimit valutor dhe pse s’po ndërhyhet.
“Ne jemi taksa pagues dhe duhet të dimë të gjithë së bashku se çfarë po ndodh në këtë vend dhe pse nuk po ndërhyhet.
E para që kërkojmë është dialogu, e dyta është transparenca dhe me sa janë mundësitë të subvencionohemi edhe ne pasi nuk është për fajin e bizneseve kjo që po ndodh”, tha një prej tyre.
“Transparenca duhet të jetë e përmuajshme dhe duhet të jetë totale”, u shpreh një eksportues tjetër.
NDIQE LIVE "PANORAMA TV" © Panorama.al
