Partia Socialiste njoftoi sot se zgjedhjet për kreun e kësaj force politike në kryeqytet do të mbahen pas 6 ditësh, më 20 shkurt. Tashmë janë konfirmuar katër kandidaturat që synojnë këtë post.
Janë 3 deputetë aktualë të Partisë Socialiste, Ilir Gjoni, Andis Harasani si dhe deputeti Sajmir Tahiri, i cili aktualisht është kryetar i deleguar i PS-së, dega Tiranë. Kandidati i katërt është i rikthyeri së fundmi në Partinë Socialiste, Ilir Zela.
Në shtator të vitit 201, pas 6 vitesh në krye të PS-së, Tiranë, deputeti Besnik Baraj dha dorëheqjen. Baraj e arsyetoi dorëheqjen e tij me faktin e mosbërjes sa duhet për të parandaluar manipulimin e votave gjatë zgjedhjeve lokale në 8 maj.
“Unë marr këtë përgjegjësi morale. Them se mund të kisha bërë më shumë për mundësinë e minimizimit të këtij manipulimi”, shprehej Baraj asokohe.
© Panorama.al
