Një ditë pasi Partia Socialiste kërkoi një interpelancë urgjente me Kryeministrin Sali Berisha për marrëveshjet koncensionare të shfrytëzimit të kromit në Bulqizë dhe të minerareve në të gjithë Shqipërinë, vjen një tjetër kërkesë e saj, kësaj rradhe për ministrin e Mbrojtjes, Arben Imami.
PS ka depozituar kërkesën e saj në Parlament bazuar në nenin 96 të Rregullores së Kuvendit të Shqipërisë për “Interpelancat”.
“Thërritet për të dhënë shpjegime dhe paraqitur qëndrimin e Qeverisë, zoti Arben Imami, Ministër i Mbrojtjes lidhur me “Zbatimin e legjislacionit mbi funksionimin e Forcave të Armatosura në Republikën e Shqipërisë”.”- thuhet ndër të tjera në kërkesën e PS-së.
Më tej, në kërkesën e firmosur nga deputeti Piro Lutaj, thuhet se “në interesin e kësaj interpelance përfshihet zbatimi i ligjit “Për Gradat”, “Për Pushtetet dhe Autoritetet e Komandimit …..”; zbatimi i ligjshmërisë në ndryshimet strukturore, administrimin e buxhetit në interes të objektivave të Forcës dhe i aseteve që dalin të lira nga riorganizimi i F.A.“
© Panorama.al
