Banori i Big Brother Vip, Arioni, këtë javë është në nominim kokë më kokë me Gjestin.
E ndërsa të dy lojtarët vazhdojnë lojën e tyre për të qëndruar sa më gjatë brenda formatit, në rrjetet sociale ka ardhur një reagim nga motra e Diana Tahirit, ish-banores me të cilën Arioni krijoi një romancë brenda shtëpisë.
Me anë të një postimi në Twitter, Adriana Tahiri ka shkruar: “Arion biletat për Norvegji ishin lirë të shtunën”.
Një postim ky i cili ka ngjallur mjaft reagime dhe dyshime tek ndjekësit për mesazhin që Adriana ka dashur të jap.
Në thelb kjo fjali duket sikur konfirmon daljen e sigurt të banorit këtë javë.
Kujtojmë se motra e Dianës nuk ishte dakord për lidhjen e kësaj të fundit me Arionin.
Gjatë një vizite surprizë që ajo i bëri modeles brenda Big Brother Vip, shprehi mendimin e saj se nuk ishte pro lidhjes së Dianës me Arionin pasi sipas saj kjo nuk e lejonte ish-banoren të japte maksimumin në lojë.
“Mua më duket se dyshja e penalizon Dianën në lojën e saj, mendoj që Diana ka shumë për të dhënë. Dhe ndonjëhërë kur e shoh nuk shoh një Dian që unë njoh,” tha ajo.
Kujtojmë gjithashtu se Diana e la shtëpinë e BBV pasi babai i saj ishte në gjendje të rëndë shëndetësore.
NDIQE LIVE "PANORAMA TV" © Panoramaplus.al