Deputeti i Partisë Demokratike, Ervin Salianji ka reaguar sërish për rastin e vrasjes së 42-vjeçarit në Pogradec, Egli Proga. Teksa i përgjigjet kryeministrit Rama, Salianji thotë se nuk mund të mbulohet manipulimi i vrasjes me propagandë.
Salianji publikon reagimin e Prokurorisë Korçë dhe thotë se njoftimi ‘rrëzon keqpërdorimin që ju bë në mënyrë të përsëritur drejtorit të përgjithshëm të policisë, duke e nxjerrë të manipulojë ngjarjen tragjike të vrasjes në Pogradec’.
Ai thotë se nëse Edi Ramën e kanë gënjyer vartësit e tij duhet të shkarkojë menjëherë ministrin dhe drejtorin e përgjithshëm të policisë.
Reagimi i Ervin Salianjit
Rama nuk e mbulon dot manipulimin e vrasjes me propagandë!
📄Njoftimi i Prokurorisë Korçë rrëzon keqpërdorimin që ju bë në mënyrë të përsëritur drejtorit të përgjithshëm të policisë, duke e nxjerrë të manipulojë ngjarjen tragjike të vrasjes në Pogradec.
Prokuroria procedon inspektorin e “sipërpërmendur u mor në përgjegjësi penale për vëprën penale të dyshuar të kryer prej tij, për shkak se si pasojë e veprimeve të tij nuk është bërë i mundur dokumentimi real i ngjarjes së ndodhur” thotë prokuroria!
👉Nëse Edi Ramën e kanë gënjyer vartësit e tij duhet të shkarkojë menjëherë ministrin dhe drejtorin e përgjithshëm të policisë. Nëse i del për zot manipulimit të ngjarjes përgjegjës dhe porositës i fabrikimit të vrasjes si aksident është vetë ai për përfitim të një grushti votash!
⁉️Çfarë i ka bërë bashkë në vrasjen për së dyti të viktimës Ramën? Policinë? Urgjencën?
NDIQE LIVE "PANORAMA TV" © Panorama.al
