Çmimet e aksioneve dhe të naftës, ashtu si edhe vlera e euros kanë pësuar rritje vetem dy ditë pasi Eurozona i ka ofruar Spanjës 100 miliardë euro kredi, për të shpëtuar bankat e saj problematike.
Sipas te dhenave me te fundit mesohet se euroja është rritur në 1.26 dollarë pas rënies së javës së kaluar në 1.25.
Çmimi i naftës po ashtu ka kërcyer në 86 dollarë për fuçi, duke pasuar rënien e javës së kaluar në 84 dollarë.
Spanja, ekonomia e katërt e Eurozonës është vendi i katërt i zonës së euros që kërkon ndihmë, pas Greqisë, Irlandës dhe Portugalisë.
Marrëveshja për ndihmë është mirëpritur nga Gjermania, Franca, Shtetet e Bashkuara dhe Fondi Monetar Ndërkombëtar.
© Panorama.al
