TIRANE- Ministria e Drejtësisë dhe Këshilli i Lartë i Drejtësisë firmosën sot një memorandum bashkëpunimi për inspektimin gjyqësor. Memorandumi u firmos nga ministri i Drejtësisë, Eduard Halimi dhe Nënkryetari i KLD-së, Elvis Cefa. Halimi e cilësoi këtë memorandum si shumë të rëndësishëm për procesin e monitorimit të sistemit të drejtësisë.
Ndërsa, nënkryetari Cefa tha se ky memorandum mirëkuptimi e ngre në një shkallë të re bashkëpunimin mes inspektoratit të KLD-së dhe ministrisë së Drejtësisë.
“Dua të theksoj se KLD-ja, kurdoherë do të mirëpresë partneritete brenda sistemit të drejtësisë.”- tha Cefa. Ai e cilësoi këtë memorandum si një hap të rëndësishëm në drejtim të transparencës në sistemin e drejtësisë.
© Panorama.al
