TIRANE- Kryeministri, Sali Berisha ka formosur sot dhënien me koncesion edhe për 7 hidrocentrale. Zedhenesja e tij, Erla Mehilli, e cila beri me dije lajmin permes nje deklarate per mediat, theksoi se shuma totale e investimeve arrin vlerën e rreth 6 miliard lekë, ndërkohë që keto vepra do te punësojnë rreth 1500 punonjës të profesioneve të ndryshme.
“Konkretisht hidrocentrali Qarr dhe Kaltanj, në rrjedhën e sipërme të Osumit, hidrocentralet Babjen dhe Lozhan 2 si dhe Kasollet e Selcës në rrjedhën e mesme të lumit Devoll, hidrocentrali Guri i Kuq në degët e lumit Osum, hidrocentrali Driza në ujërat e lumit Bistricë, hidrocentrali Potam në degën e lumit Pavlës dhe hidrocentrali Denas në lumin e Cemericës”- tha Mehilli.
Sipas saj, energjisë së rinovueshme këto hidrocentrale i shtojnë kapacitetin e prodhimit me 18 megavat. Nderkohe qe me këto 7 hidrocentrale numri i hidrocentraleve të dhëna me koncesion në Shqipëri arrin në 332, kapacitetit prodhues në tërësi arrin 1450 megavat, ndërsa vlera e investimit të tyre është mbi 2 miliardë euro.
“Këto rritje kapacitetesh energjie të rinovueshme po realizohen jo më para publike, por janë investime 100 për qind private të nxitura dhe mbështetura nga klima e favorshme investuese e krijuar nga qeveria shqiptare. Në të gjitha hidrocentralet e dhëna me koncesion që do ndërtohen parashikohet të krijohen mbi 25 mijë vende pune në të katër anët e vendit”- tha ajo.
© Panorama.al
