Të paktën 179 persona kanë mbetur të vdekur në kryeqytetin e Vietnamit, Hanoi, si pasojë e tajfunit Yagi, i cili ka goditur veriun e vendit, raportoi të mërkurën Reuters.
Hanoi ka evakuuar mijëra njerëz që jetonin pranë vendit ku ka goditur tajfuni më i fuqishëm i Azisë këtë vit.
Si pasojë e stuhive dhe shirave të dendur, është shkaktuar edhe shembja e një ure, pranë Lumit të Kuq.
Përveç viktimave, edhe 145 persona të tjerë vazhdojnë të jenë të zhdukur, ka njoftuar qeveria.
Ndërmarrja shtetërore e energjisë elektrike e Vietnamit, EVN, ka njoftuar ndërprerjen e energjisë nga disa pjesë të përmbytura të kryeqytetit për shkak të shqetësimeve të sigurisë.
NDIQE LIVE "PANORAMA TV" © Panorama.al
