Pas arritjes së marrëveshjes mes dy vendeve, ka nisur transferimi i armëve bërthamore taktike nga Rusia për në Bjellorusi.
Sipas mediave të huaja, lajmin e ka bërë të ditur presidenti i Bjellorusisë, Aleksandër Lukashenko, i cili tha se armët janë duke u zhvendosur.
Sipas marrëveshjes, ato do të jenë të gatshme për t’u përdorur në çdo situatë të betejave në Bjellorusi.
Vendosja e raketave u njoftua për herë të parë nga Vladimir Putin në mars, i cili paralajmëroi vazhdimisht se Rusia do të ishte e gatshme të përdorte armë bërthamore nëse do të ishte e nevojshme për të mbrojtur “integritetin e saj territorial”.
Detajet se kur do të fillonte transferimi i armëve nuk u zbuluan atëherë, megjithatë TASS raportoi sot se ishte arritur një marrëveshje për ruajtjen e kokave bërthamore në një strukturë të veçantë që duhet të përfundojë brenda pak më shumë se një muaji.
Ministri rus i Mbrojtjes, Sergei Shoigu, tha se kjo masë ishte për shkak të një “përshkallëzimi jashtëzakonisht të mprehtë të kërcënimeve në kufijtë perëndimorë të Rusisë dhe Bjellorusisë”.
NDIQE LIVE "PANORAMA TV" © Panorama.al
