Raportit vjetor i Departamentit të Shtetit mbi gjendjen e lirisë fetare në botë ngre shqetesim per situaten ne shtatë vendet si Kina, Eritrea, Irani, Koreja e Veriut, Sudani, Birmania dhe Uzbekistani.
Raporti thekson gjendjen e lirive fetare në vendet muslimane, duke përfshirë Arabinë Saudite, Pakistanin dhe Afganistanin.
Në Kinë, raporti thotë se ka pasur një përkeqësim të respektitmit të lirisë fetare nga ana e qeverisë, përfshi ndaj rajoneve të Tibetit dhe ndaj muslimanëve që jetojnë në rajonin autonom Xinjiang.
Raporti i Departamentit të Shtetit thotë se në Korenë e Veriut, liria fetare nuk ekziston fare.
Raporti thotë se qeveria kalimtare e Egjiptit ka bërë gjeste në drejtim të pjesmarrjes më të gjerë, por ka dështuar të mbajë përgjegjëse forcat e sigurisë që godasin kryesisht protestues të krishterë.
Çështje të lirisë fetare mbizotëruan vizitën e Sekretares Klinton në Egjipt në fillim të këtij muaji.
Sekretarja amerikane e Shtetit Hillari Klinton thotë se egjiptianët dhe komuniteti ndërkombëtar vazhdojnë të presin nga presidenti i ri egjiptian, Mohammed Morsi, që të emërojë një qeveri ku të përfshihen gra dhe të krishterë.
Zonja Klinton tha se të krishterët në Egjipt dyshojnë në se një qeveri e udhëhequr nga Vëllazëria Muslimane do të qeverisë drejtë si për jo-muslimanët edhe për myslimanët. Ajo tha se Shtetet e Bashkuara do t’a vlerësojnë qeverinë egjiptiane nga veprimet dhe jo fjalët.
© Panorama.al
