Si pasojë e një shpërthimi të fuqishëm të ndodhur në një ndërtesë në Lushnje, i plagosur ka mbetur edhe deputeti i Partisë Socialiste, Bujar Çela.
Shkak i kësaj ngjarje të rëndë dyshohet të jetë bërë një vinçier i cili ka prekur linjën e tensionit të lartë, duke shkaktuar më pas shpërthimin.
Raporton se, si pasojë e këtij shpërthimi janë plagosur 8 persona, 3 prej të cilëve janë dërguar në spitalin e Traumës, ndërsa deputeti Çela i është nënshtruar një ndërhyrjeje kirurgjikale dhe ka humbur jetën një tjetër, i identifikuar si Landi Hoxha.
LEXO EDHE: Shpërthimi i fuqishëm në Lushnjë ku u plagos edhe deputeti i PS-së, ja çfarë dyshohet se e shkaktoi
Godina e cila ishte duke u ndërtuar, dyshohet se i përkiste pikërisht deputetit Çela.
Në vendin e ngjarjes kanë mbërritur forcat zjarrfikëse dhe ambulanca.
Njoftimi i policisë:
Fier/Informacion paraprak
Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Si pasojë e shpërthimit ka humbur jetën shtetasi L. V., dhe janë plagosur 8 shtetas mes tyre dhe deputeti B. Ç., të cilët ndodhen në spital për ndihmë mjekësore.
Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.
NDIQE LIVE "PANORAMA TV" © Panorama.al
