Zëdhënësja e Departamentit Amerikan të Shtetit ka bërë të ditur se sekretarja Hillari Klinton do të udhëtojë javën e ardhshme për në Turqi, për të biseduar rreth situatës në Siri.
“Klinton, më 11 gusht do të zhvillojë bisedime dypalëshe me Qeverinë turke në Stamboll”, ka saktësuar Nullënd.
Sekretarja amerikane e Shtetit aktualisht ndodhet në Malavi, nga ku do të udhëtojë për në Afrikën e Jugut, për të takuar ish-presidentin Nelson Mandela.
Ndalesa e fundit në Afrikë do të jetë Gana.
© Panorama.al
