TIRANE – Ish-oficeri i Policisë së Komisariatit Nr.3 në Tiranë, Arjan Hoxha, duhet të mbahet në arrest me burg deri në përfundim të hetimeve. Kjo është kërkesa që Prokuroria e Tiranës do të bëjë në gjykatë ndaj oficerit që u arrestua nga Shërbimi i Kontrollit të Brendshëm, për shkak se prej dy muajve shfrytëzonte dy vajza për ushtrim prostitucioni. Arrestimi i efektivit të policisë ndodhi pranë një hoteli në Golem të Kavajës, ku oficeri 37 vjeç ra në pranga teksa po përcillte dy vajzat te klientët që kishin kërkuar praninë e tyre. Gazeta “Panorama”, duke iu referuar këtij lajmi, ka publikuar dje gabimisht fotografinë e një hoteli në Golem, hotel i cili nuk ka lidhje me ngjarjen në fjalë. Gazeta sqaron se fotografia e publikuar dje në faqen 9, shoqëruese e shkrimit me titull “arrestohet polici, tutor i prostitutave”, nuk paraqet hotelin që ka lidhje me këtë ngjarje. Ngatërresa ka ndodhur sepse policia dha emrin e hotelit pa specifikuar mirë zonën ku ndodhej ai. Ndërkohë, gazeta mësoi se në zonën në fjalë ndodhen dy hotele thuajse me të njëjtin emër, por fotografia e objektit që është bërë publik dje në gazetë, nuk ka lidhje me ngjarjen.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama