Policia e Elbasanit ka sekuestruar mëngjesin e sotëm një sasi prej 200 kg marijuanë.
Lënda narkotike u gjet në një automjet tip Benz me targë AA 659 CE në afërsi të fshatit Hotolisht.
Aksioni i policisë nuk rezultoi plotësisht i suksesshëm pasi drejtuesi i mjetit dhe të tjerët që e shoqëronin kanë mundur të largohen, duke braktisur mjetin në të cilin u gjet edhe ngarkesa me lëndë narkotike.
Mesohet se policia ka shpallur në kërkim 3 persona, ndërsa 10 të tjerë janë shoqëruar në komisariat.
Policia vazhdon aksionin e saj për identifikimin dhe arrestimin e personave posedues të sasisë së marijuanës së bllokuar.
© Panorama.al
